Radhe Radhe
Mera naam Rashi hai…
3 mahine tak main apni life ke sabse mushkil daur se guzri. Woh meri zindagi ka worst experience tha.

Meri friends mujhe “Chatpati” bulate the — kyunki main hasi-mazaak karne wali, jinda dil ladki thi. Music aur dance mera passion tha, main dholak bhi seekh rahi thi. Mere bacche bhi achhe school mein padhte the… sab kuch theek chal raha tha.

Phir ek din achanak mere husband ki job chali gayi.

Us waqt dar toh laga, par maine himmat nahi haari. Maine socha main kuch karungi… apna kaam shuru kiya. Maine hamesha sahi rasta chuna, kabhi galat tareeke se paisa kamane ka nahi socha.
Lekin kismat shayad meri pariksha le rahi thi… kuch time baad mera kaam loss mein chala gaya. Maine 1-2 aur kaam shuru kiye, par woh bhi band ho gaye.

Ab sab kuch dhundhla sa lagne laga…
Bacchon ka kya hoga? Ghar ka kya hoga?

Is mushkil waqt mein mere susral walon aur mayke walon ne meri financial help ki. Mere husband ki job bhi dobara lag gayi… par pata nahi kyun, main andar se toot chuki thi.

Maine bolna kam kar diya…
Kahin aana jaana band ho gaya…
Khana peena bhi kam ho gaya…

Jo ladki pura din hansti thi… sabko hasaati thi…
Woh ek dum se khamosh ho gayi.

Log samajh nahi paaye… par main jaanti thi…
Main sirf thak nahi gayi thi… main andar se haar gayi thi.

Par kahani yahin khatam nahi hoti…

Mere husband mujhe mere ghar le gaye… wahan ek siddh mandir hai. Maine wahan jaakar darshan kiye. Mere sasur ji ne mujhe mantra padi hui mala di. Dheere-dheere maine bhagwaan ki puja karni shuru ki…

Pehle kuch mehsoos nahi hota tha… par phir dheere-dheere sabh thik lagne laga