Aajkal ke time mein apni mental health ko theek rakhna sach mein bahut mushkil ho gaya hai. Logon ki soch aur unka behaviour itna uljha hua hai ki unse bachne ki koshish karo, phir bhi kabhi na kabhi fas hi jaate hain, aur phir wahi ulajh ke reh jaate hain. Samajh nahi aata ki log dusron ki life mein ghus kar bhi kaise khush reh lete hain, jabki mujhse to apni hi life properly handle nahi hoti.

Yoga, breathing exercises wagairah sunne mein achhe lagte hain, par unka routine banana itna aasaan nahi hota. Har baar sochti hoon start karungi, par samajh hi nahi aata kahan se shuru karun aur kaise continue rakhu. Sabse zyada mushkil ye lagta hai ki ab emotional support bhi kahin nahi milta—har kisi ko sirf apne kaam se matlab hai, kisi ke paas ruk kar sunne ka waqt hi nahi hai.