Hello Friends… How are you all…
Today I want to talk about my friendship connections.

Mere hamesha se bahut zyada friends nahi the.
Jahan bhi gayi, bas ek hi friend bani… aur usi ke saath mera poora waqt nikal gaya.
Group mein rehna mujhe kabhi sahi se aaya hi nahi.

Jab bhi koi mujhse kuch poochta hai, main thodi conscious ho jaati hoon.
Dil mein ek darr sa rehta hai… ki kahin mera jawab saamne wale ko pasand na aaye.
Isi uljhan mein kai baar main khud ko sahi se express hi nahi kar paati.

Mujhe zindagi mein friends hamesha acche mile…
Par mujhe sahi se samajhne wale log kam mile.
Ya shayad… main hi kabhi kisi ko poori tarah samajh nahi paayi.

Kai baar aisa bhi hua ki main logon ke beech hote hue bhi khud ko alag mehsoos karti thi.
Sabke saath hasti thi… baatein bhi karti thi…
Par dil ki baatein har kisi se nahi ho paati thi.

Shayad isi wajah se mujhe gehre connections pasand aaye hamesha…
Jahan dikhawa kam ho aur sukoon zyada mile.

Par baki duniya mere jaise logon ko nahi samajh pati. Har baat par judge karti hai. Shayad isliye mujhe akele rehna jyada pasand hai. Khud ko aise hi accept kar liya hai maine. aur baki logon ka reaction usse bhi ab jyada problem nahi hoti. I decided to live and let them live.

aap logon ki dosti etc kaisi hai. share if you like.

Thanks