School ke din bhi kya din the…
na paison ki tension, na future ka darr…
bas ek hi tension hoti thi —
“Kal school jaake sabse pehle kis se milenge?” ❤️
Riya aur uski 4 dost…
canteen ki ek plate chowmein ko 5 log milkar khate the…
class mein teacher padhate rehte aur peeche inki hasi rukti hi nahi thi.
Ek ki problem sabki problem hoti thi.
Birthday ho ya heartbreak…
sab saath hote the.
Phir school khatam hua…
sabne promise kiya —
“Chahe kuch bhi ho jaye, hum kabhi alag nahi honge.”
Lekin waqt… धीरे धीरे sab badal deta hai.
Koi college ke liye dusre sheher chala gaya…
kisi ki new friend circle ban gayi…
kisi ko career ki tension ne badal diya.
Shuru mein daily calls hote the…
fir weekly…
fir “busy hu yaar, baad mein call karti hu…”
aur ek din pata hi nahi chala kab baatein sirf Instagram stories tak reh gayi.
Riya kabhi kabhi purani chats padhti…
group ki photos dekhkar muskurati bhi thi aur aankhen bhar bhi aati thi.
Aaj bhi uske aas paas log hain…
office friends hain…
kaam ke dost hain…
zarurat padne par help bhi kar dete hain…
Par vo baat nahi hai.
Ab dosti convenience se hoti hai…
tab dil se hua karti thi. 💔
Ab milne se pehle time dekhna padta hai…
tab bina bataye ghar pahunch jate the.
Ab conversations mein formality hoti hai…
tab sirf ek “abe sun…” se dil halka ho jata tha.
Waqt ke saath dost badal nahi jaate shayad…
bas zindagi unhe humse door le jaati hai.
Aur sach to ye hai…
hum sabke paas naye dost to aa jaate hain…
par school aur college wale dost…
dobara kabhi nahi milte… 🥺