“Pata nahi mera beta itni jaldi bada kab ho gaya… ab vo har baat mein apni marzi chalana chahta hai. 13 saal ka hote hi usse lagne laga hai ki use sab samajh aa gaya hai. Main kuch bhi samjhau to turant jawab deta hai — ‘Mujhe pata hai’, ‘Main ab chhota nahi hoon.’ Jaise agar main usse mobile thodi der rakhne ko bolu to kehta hai, ‘Sab friends use karte hain, sirf mujhe hi kyu rokte ho?’ Padhai ke liye bolo to bolta hai, ‘Main manage kar lunga.’ Kabhi kapdon ko lekar zidd, kabhi bahar jane ko लेकर argument… aur agar uski baat na mano to mood off karke room mein chala jata hai.

Kabhi kabhi uski zidd aur attitude dekh kar bahut gussa aa jata hai. Fir baad mein khud hi bura lagta hai ki shayad maine zyada daant diya. Dil se to bas itna chahti hoon ki vo sahi raaste par rahe, par samajh nahi aata is teenage age ko kaise handle karun. Kya aap logon ke saath bhi aisa hota hai? Aap apne teenage boys ko kaise samjhate ho?”