Kal Janmashtami hai… yaani hum sabke pyare Kanha Ji ka birthday! 🎂💙
Mere liye bachpan se Janmashtami ka matlab bas itna hi tha—chhutti, vrat aur mandir ke darshan।
Ghar mein pooja hoti thi, hum mandir jaate the aur phir lagta tha ki bas, Janmashtami khatam।
Lekin ek baa mein ek aisi friend k ghar gae jo Mathura se belong karti thi… aur uske nazariye ne mere liye Janmashtami manane ka matlab hi badal diya।
Woh Kanha Ji ko Janmashtami par Laddu Gopal Ji ke roop mein poojti thi।
Ek Janmashtami par main uske ghar gayi। Sach kahun toh mujhe laga tha ki ek normal si holiday hogi… lekin uske ghar pahunchte hi mujhe laga jaise main kisi birthday celebration mein aa gayi hoon! 😍
Uske ghar mein sabhi bahut excited the।
Uski mummy subah se tarah-tarah ki mithaiyan bana rahi thi, jinhe woh “paag” kehti thi—makhane ka paag, nariyal ka paag, mingiyon ka paag aur na jaane kitne tarah ke paag!
Udhar meri friend aur uska bhai Laddu Gopal Ji ke liye jhoola saja rahe the। Mandir ko lights, phoolon aur gubbaron se decorate kiya ja raha tha। 🎈🌸✨
Uncle ji bhi bahar se fruits aur pooja ka samaan lekar aaye।
Ghar ka har kona ek hi cheez keh raha tha—
“Aaj Kanha Ji ka birthday hai!” 💙
Main un sabko dekhkar hairaan thi।
Mere liye toh Janmashtami ek vrat aur mandir jaane ka din tha, lekin unke liye woh ghar ke sabse chhote aur sabse pyare member ka birthday tha।
Phir raat hui…
Main apne ghar wapas aa gayi। Mandir ke darshan kiye, khana khaya aur sone ke liye let gayi।
Lekin na jaane kyun… neend hi nahi aa rahi thi।
Main baar-baar soch rahi thi—
“Pata nahi meri friend ke ghar abhi kya ho raha hoga?”
“Sab log kitne excited honge…”
“Raat ke 12 bajne wale honge… aur phir Laddu Gopal Ji ka janam hoga!” ❤️
Tabhi mere mann mein ek ajeeb sa sawaal aaya—
“Hum apne ghar mein kisi apne ka birthday itni khushi se manate hain… toh Kanha Ji ko apna maan kar unka birthday kyun nahi mana sakte?”
Aur bas…
Us raat meri soch badal gayi।
Maine khud se ek promise kiya—
“Agli Janmashtami se main bhi Kanha Ji ka birthday sirf ek festival ki tarah nahi, balki apne ghar ke ek pyare member ke birthday ki tarah manaungi।” 💙🦚
Jhoola sajaungi, ghar decorate karungi, paag banaungi… aur raat ke 12 baje bilkul waise hi celebrate karungi jaise mere ghar mein kisi apne ka birthday hota hai। 🎂✨
Shayad isi ko kehte hain bhakti ko mehsoos karna।
Kyunki kabhi-kabhi Bhagwan humein kisi mandir mein nahi…
kisi apne ke ghar ki khushi mein milte hain। ❤️
Ab aap bataiye…
Aapke liye Janmashtami sirf ek holiday hai, ya phir Laddu Gopal Ji ka Janamdivas?
